وہ مس بولي ارادہ خودکشي کا جب کيا ميں نے

وہ مس بولی، ارادہ خودکشی کا جب کیا میں نے
مہذّب ہے تو اے عاشق! قدم باہر نہ دھر حد سے

معانی: تہذیب یافتہ، سلیقے اور سمجھ بوجھ والا ۔ قدم باہر نہ دھر حد سے: یعنی اعتدال ، میانہ روی نہ چھوڑ ۔
مطلب: نوجوان عاشق کہتا ہے کہ جب اپنی انگریز محبوبہ سے مایوس ہو کر میں نے اس پر خودکشی کرنے کا ارادہ ظاہرکیا تو وہ محبوبہ بولی کہ اے مجھے چاہنے والے! تو تو انتہائی مہذب ہونے کا دعویدار ہے پھر اس طرح خودکشی کا ارادہ کر کے آپے سے باہر کس لیے ہو رہا ہے کہ خودکشی تو بزدل اور غیر مہذب لوگ کیا کرتے ہیں ۔

نہ جرات ہے، نہ خنجر ہے، تو قصدِ خودکشی کیسا
یہ مانا دردِ ناکامی گیا تیرا گزر حدسے

معانی: دردِ ناکامی: محبت میں کامیاب نہ ہونے کا دکھ ۔
مطلب: یوں بھی اے عاشق نامراد! نہ تو تیرے پاس خودکشی کرنے کے لیے کوئی خنجر یا پستول ہے نا ہی اتنی جرات اور حوصلہ کہ یہ قدم اٹھا سکے ۔ ہر چند کہ محبت میں ناکامی کے سبب تیری مایوسی حد سے بڑھ چکی ہے پھر بھی خودکشی تیرے بس کا روگ نہیں ۔

کہا میں نے کہ اے جانِ جہاں کچھ نقد دلوا دو
کرائے پر منگا لوں گا کوئی افغان سرحد سے

معانی: دنیا کی جان، دنیا کی رونق ۔
مطلب: انگریز محبوبہ کا یہ جواب سن کر میں نے کہا اے دل و جان سے عزیز دوشیزہ! یہ کوئی مسئلہ نہیں اس کے لیے تو اجرت پر کسی پٹھان کو سرحد سے بلوا لوں گا تم تو بس یہ کرو کہ اس مقصد کے لیے کچھ نقد رقم دلوا دو ۔

——————

Transliteration

Woh Miss Boli Irada Khudkushi Ka Jab Kiya Main Ne
Muhazzib Hai Tu Ae Ashiq! Qadam Bahir Na Dhar Had Se

Na Juraat Hai, Na Khanjar Hai To Qasad-e-Khudkushi Kaisa
Ye Mana Dard-e-Nakami Gya Tera Guzr Had Se

Kaha Main Ke Ae Jaan-e-Jahan Kuch Naqad Dilwa Do
Karaye Par Mangwa Loon Ga Koi Afghan Sarhad Se

——————-

As I tried to commit suicide the Miss exclaimed
“O lover! If you are civilized do not transgress the limits

Without courage or dagger suicide’s intention is strange
Even granting your pain of failure has exceeded the limits”

I said, “O dear, give me some cash
I shall hire some Afghan from the Frontier Province”