کچھ غم نہيں جو حضرت واعظ ہيں تنگدست

کچھ غم نہیں جو حضرتِ واعظ ہیں تنگ دست
تہذیبِ نو کے سامنے سر اپنا خم کریں

معانی: حضرت واعظ: منبر پر چڑھ کر وعظ کرنے والا ۔ تنگ دست: مفلس، غریب ۔ تہذیب نو: جدید معاشرہ جس پر انگریزی تہذیب کا اثر ہے ۔ سر خم کرنا: سر جھکانا ۔
مطلب: اس میں اقبال مفاد پرست واعظوں کی طرف اشارہ کرتے ہیں جو محض چھوٹے چھوٹے مفادات کے لیے دین کے بنیادی اصولوں کی تردید سے بھی نہیں چوکتے ۔ سو اقبال کہتے ہیں کہ اگر حضرت واعظ ان دنوں معاشی طور پر پریشان ہیں تو انہیں اس کی زیادہ فکر نہیں کرنی چاہیے ۔

ردِ جہاد میں تو بہت کچھ لکھا گیا
تردیدِ حج میں کوئی رسالہ رقم کریں

معانی: ردِ جہاد: جہاد کے خلاف، ایک مرزائی رہنما نے فتویٰ دیا تھا کہ اس دور میں جہاد کی ضرورت نہیں رہی ۔ تردیدِ حج میں : یعنی حج کی بھی ضرورت نہ رہنے کے متعلق ۔ رقم کرنا: لکھنا ۔
مطلب: اسلام میں اصول جہاد کو بعض واعظوں نے غیروں کو خوش کرنے اور مال بنانے کے لیے بہت کچھ لکھا اب اس مقصد کے لیے مناسب موقعہ ہے کہ واعظ حضرت اصول حج کے خلاف بھی کوئی رسالہ لکھ ڈالیں ۔

—————–

Transliteration

Kuch Gham Nahin Jo Hazrat-e-Waaiz Hain Tang Dast
Tehzeeb-e-Nau Ke Samne Sar Apna Kham Karain

Rad-e-Jihad Mein To Bohat Kuch Likha Gya
Tardeed-e-Hajj Mein Koi Risala Raqam Karain

—————–

It does not matter if the preacher is poor
He should bend to the new civilization

It does not matter if the preacher is poor
He should bend to the new civilization

Much has been written on cancellation of jihad
He should write a tract on cancellation of hajj