Home / علامہ اقبال شاعری / ضرب کلیم / اسلام اور مسلمان / ايک فلسفہ زدہ سيد زادے کے نام
Tu Apni Khudi Agar Na Khota

ايک فلسفہ زدہ سيد زادے کے نام

تو اپنی خودی اگر نہ کھوتا
زناری برگساں نہ ہوتا
ہيگل کا صدف گہر سے خالی
ہے اس کا طلسم سب خيالی
محکم کيسے ہو زندگانی
کس طرح خودی ہو لازمانی
آدم کو ثبات کی طلب ہے
دستور حيات کی طلب ہے
دنيا کی عشا ہو جس سے اشراق
مومن کی اذاں ندائے آفاق
ميں اصل کا خاص سومناتی
آبا مرے لاتی و مناتی
تو سيد ہاشمی کی اولاد
ميری کف خاک برہمن زاد
ہے فلسفہ ميرے آب و گل ميں
پوشيدہ ہے ريشہ ہائے دل ميں
اقبال اگرچہ بے ہنر ہے
اس کی رگ رگ سے باخبر ہے
شعلہ ہے ترے جنوں کا بے سوز
سن مجھ سے يہ نکتہ دل افروز
انجام خرد ہے بے حضوری
ہے فلسفہ زندگی سے دوری
افکار کے نغمہ ہائے بے صوت
ہيں ذوق عمل کے واسطے موت
ديں مسلک زندگی کی تقويم
ديں سر محمد و براہيم

”دل در سخن محمدی بند
اے پور علی ز بو علی چند

چوں ديدہ راہ بيں نداری
قايد قرشی بہ از بخاری ”
————-

فارسی اشعار حکيم خاقانی کی ‘تحفہ العراقين’ سے ہيں

————-

Transliterations 

Aik Falsafa Zada Syed Zade Ke Naam

Tu Apni Khudi Agar Na Khota
Zunnari-e-Bargsan Na Hota

Heegal Ka Sadaf Guhar Se Khali
Hai Uss Ka Tilism Sub Khayali

Mohkam Kaise Ho Zindagi
Kis Tarah Khudi Ho La-Zamani!

Adam Ko Sabat Ki Talab Hai
Dastoor-e-Hayat Ki Talab Hai

Dunya Ki Asha Ho Jis Se Ishraaq
Momin Ki Azan Nidaye Afaq

Main Asal Ka Khas Somanti
Aaba Mere Lati-o-Manati

Tu Syed-e-Hashmi Ki Aulad
Meri Kaf-e-Khak Barhman Zad

Hai Falsafa Mere Aab-o-Gil Mein
Poshida Hai Raisha Haye Dil Mein

Iqbal Agarche Behunar Hai
Iss Ki Rag Rag Se Ba-Khabar Hai

Shaula Hai Tere Junoon Ka Be-Souz
Sun Mujh Se Ye Nukta-e-Dil Afroz

Anjam-e-Khirad Hai Be Huzoori
Hai Falsafa Zindagi Se Doori

Afkar Ke Naghma Haye Be Soot
Hain Zauq-e-Amal Ke Waste Mout

Deen-e-Maslak-e-Zindagi Ki Taqween
Deen-e-Sirr-e-Muhammad (S.A.W.)-o-Baraheem (A.S.)


“Dil Dar Sukhan-e-Muhammadi (S.A.W.) Band
Ae Por-e-Ali (R.A.) Za Bu Ali Chand!

Choon Didah-e-Rah Been Nadari
Qaid Qarshi Ba Az Bukhari”

Farsi Ashaar Hakeem Khaqani Ki ‘Tohfa-Ul-Arifeen’ Se Hain
——————–

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے