Biyyan May Nukta e Toheed Aa To Sakta Hy

نکتہ توحيد

بياں ميں نکتہ توحيد آ تو سکتا ہے
ترے دماغ ميں بت خانہ ہو تو کيا کہيے
وہ رمز شوق کہ پوشيدہ لاالہ ميں ہے
طريق شيخ فقيہانہ ہو تو کيا کہيے

سرور جو حق و باطل کی کارزار ميں ہے
تو حرب و ضرب سے بيگانہ ہو تو کيا کہيے
جہاں ميں بندہ حر کے مشاہدات ہيں کيا
تری نگاہ غلامانہ ہو تو کيا کہيے

مقام فقر ہے کتنا بلند شاہی سے
روش کسی کی گدايانہ ہو تو کيا کہيے

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے